Foundation Block .

.
.
.

                                                                                                     

في هذه التدوينة بنتكلم عن الفاونديشين بلوك بما أن كثير منكم عنده عدة تساؤولات حوله، كونه أول بلوك بتدرسونه بكلية الطب ووزنه كبير بالمعدل 

بتكون التدوينة على شكل سؤال وجواب، أسئلة وصلتنا وأسئلة سألناها أنفسنا لمن كنا بمكانكم.

ما هو "الفاونديشين بلوك"؟ -

الفاونديشين بلوك هو بلوك راح تاخذون فيه نبذة عن كل مادة من مواد العلوم الأساسية وخلال هالبلوك راح تبنون أساسكم اللي راح تعتمدون عليه خلال سنواتكم الدراسية.

 ما هو وزن البلوك في المعدل؟-     

وزن البلوك = 10 ساعات ، تقريبا هالبلوك بيحدد مصير معدلكم بعد سنة أولى فشدو حيلكم.

 كم عدد المحاضرات؟- 

PBL  تقريبا 88 محاضرة نظرية - 19 محاضرة عملية - 4 حالات بي بي ال 

 هل صحيح إنه بلوك صعب ؟- 

الفاونديشين أبداً موب صعب، يمكن صعوبته تكمن بإنه أول بلوك، معلومات جديدة، ناس جديدين، مباني جديدة، أعضاء هيئة تدريس جديدين ، طرق تقييم جديدة، طريقة مذاكرة جديدة.

 الكلام السلبي ممكن تسمعونه من أكثر من شخص "الفاونديشين صعب" "جبت فيه أكبر عيد" تماما زي ماسمعتو الكلام السلبي عن كلية العلوم وعن مدى صعوبة اخذ اي بلسسز فيها. وطبعاً جربتو وعرفتو ودرجاتكم أكيد كانت عالية ولا ماوصلتو للمكان اللي وصلتو له 

  فدائما احرصو على انكم تاخذون العبرة من كل قصة، أخطاء الشخص اللي أخفق ونقاط قوة الشخص اللي نجح وأبدا لا تتأثرون   بآراء الناس لأن كل شخص له ظروفه وله طريقته في المذاكرة.

ماهي أفضل مصادر المذاكرة في وجهة نظركم؟- 

بنتكلم عنهم مادة مادة ولاحظو إننا قاعدين نتكلم عن الفاونديشين فقط، لأن مصادر المذاكرة تختلف من بلوك لبلوك

  * Anatomy - علم التشريح: سلايدات + التيم ورك

الأناتومي غالباً تكون محاضراته موحده إلا الفاونديشين كانت محاضرة العضلات كان فيها إختلافات بين سلايدات البنات وسلايدات الأولاد بالأمثلة ، فاللي صار انهم جابو بالميد أسئلة عن العضلات من سلايدات الأولاد وفيه مجموعة من البنات غلطو بهالأسئلة لانهم اعتمدو على السلايدات فقط، فمن الحين يا تيم الاناتومي احرصو انكم 

تشملون كل السلايدات.

*Physiology - علم وظائف الأعضاء: سلايدات + تيم 435

الفزيو عكس الاناتومي، غالباً تكون سلايداته غير موحده، يمكن البلوك الوحيد اللي كانت السلايدات موحده فيه هو الريسبارتوري ، فنصيحتنا لكم إنكم تذاكرون من سلايداتكم مذاكرة أول بأول لأن الفزيولوجي مادة تتطلب الفهم وتراجعون من التيم ورك علشان تكونون مغطين سلايدات البنات وسلايدات الأولاد، بالنسبة لقايتن فهو حرية شخصية لكن إحنا مافتحناه بالفاونديشين. 

فيه ملاحظات بسيطة: 

أول شي: أحفظو الأرقام زين لأن بتجيكم بالإختبار، بعدين بتعرفون إن فيه أرقام مهمة بالفزيو، لكن بما إنه أول بلوك ممكن تقولون إن الأرقام ماراح تجي، ممكن تجمعونها بورقة وتقرونها كل يوم، تقدرون بعد تعلقونها على جدار الغرفة وعلى المرايه بحيث انها تكون دائما بوجهكم

ثاني شي: حاولو إنكم تقللون من كمية الحفظ وتربطون لأن لازم تجي أسئلة فهم تفرق بين اللي يحفظ واللي يفهم، وهالشي ممكن تصلون له عن طريق مشاهدة الفديوز خصوصا بجزيئة البلود.

*Pathology - علم الأمراض: 

الباثولوجي ينقسم إلى 3 تشابترز، كل تشابتر له مصادره:

-       أول تشابتر (جزئية الميد): سلايدات د.صوفيا + باثوما.

مع بداية حياتكم "الباثولوجيه" بتسمعون كلام كثير "أفتحو روبنز" "أفتحو روبنز"، روبنز موب سيء لكنه مضيعة وقت خصوصا إنكم توكم جديدين في عالم الطب فما راح تفهمون على طول وبتطولون بالقراءة، سلايدات د.صوفيا خفيفة لطيفة جايبتها من روبنز وبإذن الله بتكون كافية إذا ركزتو و"فهمتوا" صح، ممكن ترجعون لكلام د.عمار الركابي بعد ماتخلصون مذاكرة علشان تتأكدون إنكم مغطين كل شيء، د.الركابي يعيد ويزيد بالمعلومات، ممكن جدا تتذكرون كلامه بس لازم تنظمون وقتكم علشان تلقون لهالشي وقت. مرة مهم بالمادة هذي تشوفون فديو أنميشين أو ثري دي يتكلم عن المرض قبل تدرسونها!

بعد ماتخلصون مذاكرة المحاضرة وقفلتوها افتحو باثوما واقروه، وجيبو ورقة واكتبو فيها العنوان وتحته الكي ووردز المهمة مثلاً: 

Fibrinoid necrosis=

Blood vessel wall + Bright pink (due to protein leaking) + malignant hypertension and 

 .vasculitis

الورقة هذي تقدرون تاخذونها معكم بأي مكان معكم، وتقرونها، وبكذا بتكونون مثبتين المعلومات الأساسية، واذا جا السؤال على شكل تخططون الكلمات المهمة اللي بالكايس وتختارون الإجابة، طبعا بعد التفكير لان احيانا يجيبون أشياء متداخله علشان يوقعون الحافظ بفخ الحفظ، "اقرو الكايس كلها الله يحفظكم" ! 

        -        ثاني تشابتر (الانفلاميشين ): تيم 434 + باثوما.

التشابتر هذا بتكون فيه سلايدات للبنات (د.مها عرفة)، لكن السلايدات كلامها جدا كثير وحوسه وبتضيعكم، فتيم 434 بإذن الله بيكون كافي "إذا ماتغيرو أعضاء هيئة التدريس اللي درسونا"، ويفضل تراجعون من تيمكم علشان اذا فيه إضافات، التشابتر هذا يعتمد على الفهم فاهموه زييين زيييين، بهالتشابتر انصح ترجعون للركابي بعد ماتخلصون مذاكرة واشوفه ضروري بعد لانه يفهم ويرسخ المعلومات، ما انساه لمن كان يصرخ بصوت عالي "ايييييي اسسسس ارررررررر" ولمن جانا إختبار الساك قريت واحد من الاسئلة وتأملت فيه دقيقة وتذكرت صرخته "ايييييي اسسسس ارررررررر"، ولا انسى لمن كان يقول "اذا طلعتو وانتم ماتفرقون بين القرانيولوما والقرانيوليشين تيشو فاسمحولي مادرستم الفاونديشن"، وجو الاثنين بخيارات واحد من الاسئلة علشان يعرف اللي يفرق واللي مايفرق وعلشان المستعجل اللي يعرف الإجابة يغلط فيه. وبعد باثوما مهم للمراجعة لانه يعطي زبدة الزبدة.

-        ثالث تشابتر (النيوبلازيا ):  سلايدات + باثوما.

هذا التشابتر يغلب عليه الحفظ، ومهم جدا لان بتاخذون اساسيات الاورام وهالاساسيات ماراح تنعاد عليكم مره ثانية بيكلمونكم على انكم فاهمين من الفاونديشين، بهالتشابتر ركزو على الجينات وعلى الجداول اللي من روبنز بالاضافة الى الفرق بين القريدنق والستيجنق، جداول باثوما بهالتشابتر جدا بطلة وتلخص لكم أشياء كثيرة، والمحاضرة الأخيرة مهم جدا تحضرونها لأن د.مرام تركز على المهم وتعطي هنتس

*Pharmacology - علم الأدوية: سلايدات + تيم 435

الفارما بهالبلوك جدا حلو ويعتمد على الفهم، الميد بيدخل فيه محاضرة او محاضرتين حسب جداولكم، والفاينل بيكون فيه أسئلة فارما كثيرة. ركزو مع شرح بروف حنان لأن شرحها جدا رائع ومره تفهم وتقول نوتس مهمة وحاولو انكم تذاكرون المحاضرة بعد ماترجعون علشان مايطير فهمكم ،، الجزئية الأخيرة اللي ماراح تشرحها د.حنان ممكن . ترجعون للتيم ورك لانه بيكون ارتب من السلايدات بمراحل.

*Biochemistry - الكيمياء الحيوية : تيم 435 + سلايدات

. البايوكمستري في هذا البلوك 15 محاضرة، أكثر عدد محاضرات لمادة نظرية، فالمادة جدا مهمة بهالبلوك سواء بالميد أو بالفاينل

بما أن شهد كانت ليدر البايو كل السنة بتكلم لكم عنه، للأمانة كان تيم دفعتنا أفضل مصدر للمذاكرة لأن لون الخلفية في السلايدات تعمي العين أصفر غير عن الشروح الإكسترا فيه، بالمادة هذي ركزوا على الإنزيمات والعوامل اللي تحفز او تثبط التفاعل جدًا يحبون هذا النوع من الأسئلة.

*Immunology - علم المناعة : سلايدات

بهالمادة راح تاخذون اساسيات في علم المناعة بتتكلمون عنها طوال البلوكات القادمة سواء بالباثولوجي او بالاميونولوجي، وطبعا ماراح يذكرونكم فيها، فاعطو هالمادة حقها وافهموها زين. وضروري جدا تشوفون فيديوز باليوتيوب لانكم لازم تتخيلون الكلام المكتوب عندكم علشان تفهمونه صح وماتحفظون كثير، نصيحة مهمة جدا ذاكرو الاميون قبل لا تذاكرون تشابتر الانفلاميشين "بالباثولوجي" لان هالتشابتر يعتمد على الاميون ولمن تقرونه بدون لا تدرسون الاميون بتحسون انكم ضايعين وتحتاجون ان بعض الاشياء تتفسر لكم 

*Embryology - علم الأجنة: سلايدات

الامبريو مادة الى يحتاج تخيل، فننصح انكم تشوفون فديوز كثيرة علشان تقدرون تتصورون الامبريو. وركزو على الايفنتس.

(Before\After birth - Before\After puberty.... )

*Histology - علم الأنسجة: سلايدات 

الهستو مادة خفيفة وحبيبة لكن ابدا لا تستهينون فيها، لانها تعتمد على الحفظ، فاحفظو السلايدات زين وان شاء الله ماراح تطلع الاسئلة عنها، وحاولو انكم تراجعونها بالاخير لانها بسرعة تنسي، واذا ما كنتو حافظين زين بتوسوسون ويمكن تغيرون إجاباتكم من صح لغلط

*Microbiology - علم الأحياء الدقيقة: سلايدات + جدول الصميلي أنتي بيوتكس + تيم 433 أو 434

المايكرو يعتمد على ذكائكم وفطنتكم، غالبا الدكاتره يعطون هنتس فاللي يركز معهم بيعرف وش الأشياء المهمة اللي يركز عليها ويحفظها زين. محاضرات د.الصميلي ضروري ترجعون له لأنه يعطي نوتات جدا مهمة واختبارنا تقريبًا ماطلع عن نوتاته يمكن 3 أسئلة ماكانت بأي مكان. تيم 433 كان مختصر جدًا للي ما أسعفهم الوقت وللأمانة ذاكرت منه وماطلع الاختبار عنه غير اللي قلت لكم عليه، حاولو انكم تربطون علشان يسهل عليكم الحفظ. ولا تزعلون إذا واجهتو صعوبة بالمادة بالبداية كلنا كنا كذا، خلكم أكبر من "المايكرو" وفوزوا عليه. 

*Human genetics - علم الوراثة البشرية: سلايدات

مادة حلوه، أشياء كثيرة بتكون مكررة عليكم وأخذتوها بالتحضيري وبالثانوي، مادة فهم وحفظ، مهم جدا انكم ماتستهترون فيها اذا كنتم تبون اي بلس.

مادة مهارات التعلم Learning Skills

مادة وزنها ( ساعتين ) بدون اختبار، التقييم فيها على ثلاثة مقالات يكتبها الطالب من 500 كلمة تقريبًا حسب معايير معينة، تُعطى 11 محاضرة من ضمنها المحاضرة التعريفية، وتكون مواضيع المقالات عن أحد هذه المحاضرات.

المادة هذي ما تحسون أنها مادة لأن مالها اختبار ولأنها فقط ضمن بلوك الفاونديشن، غير عن أنكم تنسونها لأن درجاتها تنزل آخر السنة بعد آخر بلوك. كثير بالأخير جابوا درجات ما توقعوها بالمادة وانصدموا يعني A ولا B+ فأعطوها حقها ودققوا بالكلمات والفكرة والقواعد والإملاء.

تقسيم الدرجات:

- مشروع رقم 1: الكتابة عن Time Management وعلى هذه المقالة 40% من درجة المادة

- مشروع رقم 2: الكتابة عن موضوعين من أحد المواضيع التسع المتبقية، عليهم 60% (30+30) ووقت تسليمهم واحد

معايير التقييم:

لكل موضوع عدة أهداف وأسئلة يجب عليك الإلمام بها في المقال، على سبيل موضوع إدارة الوقت أهدافه

1.What are the causes of procrastination? Talk about your own experience and how you

tackle them?

2.What are your strategies of time management, after taking the session?

14

Briefly describe the changes in your daily work, talking about 1-2 of your own experiences.

3.Make your one week time table after implementing time management in your daily

schedule

وهذه معايير تقييم المقال:

هذا ملف Guide عن المادة اللي انرسل لنا من الكلية، فيه كل شيء 

https://drive.google.com/file/d/0B5mEedcQGu2HWk55RTUweG9KTzA/view?usp=sharing

ماهي أبرز الأخطاء اللي وقعنا فيها ؟ - 

 1-     مذاكرة تشابتر الانفلاميشين قبل مذاكرة الاميونولجي، كما ذكرنا تشابتر الانفلاميشين جدا معتمد على الاميونولوجي، فأشياء كثيرة كانت ميب مفهومة بالشكل الكافي والفهم صار أصعب.

 2-     الاستهانة بالعملي، العملي جدا جدا مهم وممكن بكل بساطة ينزلكم من الاي بلس للاي ويضيع تعب البلوك كله! فلا تقولون تعبنا أو مالنا خلق أو فيه وقت، ذكرو أنفسكم بإنه آخر إختبار وخلو ختامها مسك ولا تسوون شيء تندمون عليه طوال سنتكم الأولى، البلوك عليه 10 ساعات فيفرق بالمعدل !!

3- ما فتحت باثوما إلا بعدين وندمت جداً جداً لأنه كتاب رائع وصار صديقي بقية البلوكات!

ماهي نصائحكم ؟ - 

1- كونوا أقوياء! تغلبوا على أي شعور سيء ممكن تحسون فيه! شعور الضياع بالبداية هو شعور كلنا حسينا فيه، ولكن لازم تتغلبون على هالشعور علشان ترضون طموحكم وتفون بالوعود اللي وعدتوها أنفسكم !!

2- حاولو إنكم تبنون لكم مقاومة ضد الكلام السلبي، الكلام السلبي منتشر في كل مكان وأحيانا يطلع من الأشخاص لا اراديا فصعبة اننا نقول "اسكتوا" أو "نسد اذاننا" لازم تكون عندنا مقاومة وممانعة ضد هالشيء. واعرفي لما تتأثرين الغلط منك مو منهم، لأنك الوحيدة اللي سمحتِ بهذا الشيء.!

3-  ذاكروا العملي زين واعطوه حقه، ومن بعد ماترجعون من اختبار الام سي كيوز ناموا واصحوا أو خذوا لكم بريك أهم شيء بريك مايتعدا نص يوم، العملي طويل. وابدوا مذاكرة وشدوا حيلكم! 

4- شدوا حيلكم بالميد لانه ممكن يعطيكم شوية امان وشوية راحة وممكن انه ينقصكم.

    5- لا تقارنون أنفسكم بغيركم، كل شخص له طريقته الخاصة بالمذاكرة، وكل شخص له قدراته العقلية، فيه أشخاص يقولون "ما ذاكرت" وهم فعلا صادقين، لكن يضغطون على انفسهم اسبوع او اسبوعين ويجيبون درجات عالية، فلو حطيتو كلامهم فبالكم ممكن انكم تقولون "فلانه الى ان ما ذاكرت، موب لازم اذاكر" وانتم بتاكلونها بينما هي بتسلك وبتمشي! وفيه أشخاص يطولون بالمذاكرة ويتأخرون عن زميلاتهم لكن مايحتاجون مراجعة زي مراجعة زميلاتهم، مذاكرتهم أجود والمراجعة تاخذ منهم يومين الى 3 ، فاتركو المقارنة لو سمحتو!.

6- رتبو أولوياتكم، لو قدر الله وحصلت لكم ظروف سواء كانت عائلية أو صحية وماقدرتو تذاكرون ولقيتو الوقت ضاق عليكم ومايمديكم تذاكرون كل شي، أمسكو الأشياء اللي بقت لكم ورتبوها من حيث الأهمية (هل المادة دسمة؟ هل المادة غالبا تجي بالساك؟)، وابدو بالأهم ثم المهم.

7- لازم تراجعون، المراجعة هي سر الدرجات العالية، راجعو زين زين، وحاولو تخصصون آخر يومين مراجعة سريعة "ثانية" بحيث إنكم تعطون كل محاضرة 15 دقيقة، شغلو التايمر وراجعو، غالبا الاشياء اللي بتراجعونها هي اللي بتجي بالإختبار.

8- نظموا وقتكم وضعو خطة دراسية بداية كل إسبوع، امسكو توتل محاضرات الاسبوع وقسموه على عدد ايام الاسبوع، بكذا تقدرون تعطون انفسكم اوف وماتضغطون على انفسكم.

9- الحياة فيها أكثر بكثير من الدراسة، والموازنة بين المتعة والدراسة شيء مهم، لاتقيدين نفسك بنمط مذاكرة معين وتقارنين نفسك بالباقين والله بتتحطمين، كثير شفت ناس ياكلون الكتب أكل بس ناس تذاكر بطريقة غير وتجيب أفضل، كثير كانوا يراجعون خمسطعش مرة ويختمون قبل باسبوع بس الاقل يجيبون افضل، شوفي أكثر شيء يريحك وينفع معك.. كونك دخلتِ تخصص لا يحتم عليك العزلة ..

10- كلما قرأت الموضوع كثير كلما كان افضل بالنسبة لي، حتى احسن من جلسة وحدة مذاكرة بتركيز، الاعادة ومراجعة ال Flash (أي المراجعة السريعة) .. اللي اخلي ٣ أيام قبل الاختبار، يومين استغلها كل محاضرة ٢٠-٤٥ دقيقة مراجعة حسب كثرة المحاضرات وضعوبة البلوك تزيد أو تنقص، بعدها يوم ماقبل الاختبار أول ما اصحى اقرا @@@ عشان اعرف الافكار كيف "وانا اولريدي قبلها بيومين اصلا مذاكرة" بعدين مراجعة فلاش اقين، هالمرة كل مادة ١٠-١٥ دقيقة.. انام يوم الاختبار ٣-٤ ساعات واصحى مثلا ٣ الفجر والاختبار ٩ ومنها اراجع أكثر الاشياء اللي انساها مثلا علم الأدوية.

11- الربط الربط الربط! سالفة أكرر المحاضرة وأقفلها وأنا حافظة ماراح تنفع، لازم تضمنين 50% تذكرينها بعد أسبوع، جربي تربطين بالتظليل بألوان، بأول حرف من كل كلمة، بأغاني، برقص، برسمة، بقصة، تقريبًا عشت الفاونديشن بالقصص :)

مصادر استزادة:

1- فزيولوجي: قناة يوتيوب Handwritten Tutorials + Khan Academy + Armando Hudsonegan أفادتني جدًا

2- فزيولوجي وبايوكمستري: قناة Janux رهيبة

3- باثولوجي: قناة يوتيوب Nucleus medical media مرة مفيد قبل دراسة المحاضرة تعطيك نظرة عامة

4- أناتومي: تطبيق Essential Anatomy 5 اشتريناه بحساب الدفعة بـ 150 ريال جدًا روعة أفادنا بالمسكلو بعد، للي مايقدر يحمل Essential skeleton 4

5- فارماكولوجي: كتاب Pharmacology Recall by Lippincott نفس نظام باثوما بس للفارما