مسيرتي .. من طالبة طب إلى طبيبة: سنة أولى طب - نظام الدراسة والاختبارات وكل ما يخصها

.
.
.

أول سنتين في الطب بجامعة الملك سعود بالرياض تدرس بنظام البلوكات Blocks. في السنة الأولى 5 بلوكات، السنة الثانية 4 بلوكات. ونجي الحين للسؤال المتداول..

ماهو البلوك؟

هو دراسة عدة مواد طبية في إطار ثيم معين مثل أجهزة الجسم، مثلًا دراسة الأمراض الشائعة والأدوية للجهاز التنفسي وطريقة عمله الطبيعية. والاختبار في كل هذه المواد بيوم واحد بدلًا من وجود اختبار لكل مادة.

ماهي المواد؟

ضعوا بعين الاعتبار أن مو كل المواد بتاخذونها بكل البلوكات، فيه مواد تزيد ببلوكات وفيه مواد ماتاخذونها ببلوكات، بشكل عام هي:
- علم وظائف الأعضاء Physiology
- علم الأمراض Pathology
- علم الأنسجة Histology
- علم التشريح Anatomy
- علم الأدوية Pharmacology
- علم المناعة Immunology
- الكيمياء الحيوية Biochemistry
- علم الأجنّة Embryology
- طب الأسرة Family Medicine
- علم الاحياء الدقيقة Microbiology
- علم الأشعة Radiology
- الوراثة البشرية Human genetics

أيش بناخذ بسنة أولى؟

هي أيام الإجازة الرسمية التي تعطى للطلاب قبل الاختبار النهائي للبلوك، في كل البلوكات كانت 5 أيام دوام ما عدا بلوك التنفسي كان يومين إجازة فقط.

تقسيم الدرجات:

40 درجة MCQs
35 درجة OSPE
20 درجة SAQs
5 درجات PBL

الاختصارات هذي لأيش؟

MCQs: Multiple choice questions اختياري

OSPE: Objective-structured practical exam عملي

SAQs: Short answer questions

PBL: Problem-based learning

نظام الاختبارات؟

يومين فاينل، يوم فيه اختيار من متعدد MCQs حول 100 سؤال (غالبًا الأحد أو الاثنين) عليه 40 درجة، وبعده بثلاث أيام اختبار عملي OSPE عليه 35 درجة + اختبار كتابي SAQs عليه 20 درجة (يوم الأربعاء أو الخميس)

يوجد اختبار نصفي Midblock exam للبلوكات اللي فوق 7 أسابيع.. بسنة اولى فقط الفاونديشن فيه ميد الباقي فاينل فقط.

كم ياخذ وقت عشان تطلع درجة البلوك ووين تطلع ؟

3-4 أسابيع مستحيل تقل عنها واحتمال تزيد :)
تطلع لكم على موقع الـ Blackboard هنا

ايش هو الساك؟ وهل هو صعب؟ وكيف أذاكر له؟ وايش المواد المهمة بالساك؟

- الساك أو short answer questions هو عبارة عن إختبار كتابي من 20 درجة، بيكون مع الإختبار العملي OSPE بنفس اليوم، بهالإختبار بيجيبون لكم cases وكل case تحتها مجموعة أسئلة، كل سؤال يجيكم من مادة.

- إختبار الساك موب بالصعوبة اللي سمعتو فيها، صحيح إن أول البلوكات كان تقسيم الدرجات مبالغ فيه، لكن بآخر البلوكات أصبحت الأسئلة منطقية جداً وتقسيم الدرجات فيها معقول، واذا انتم فاهمين بإذن الله بتجاوبون وحطو فبالكم أن الساك زي المصيدة، تصيد الطالب اللي معتمد على الحفظ ومذاكر مذاكرة MCQs ويطلع الشخص الفاهم اللي يقدر يربط بين المواد ويقدر يتكلم عن الأشياء اللي درسها، فعلشان كذا نأكد عليكم ونقول الفهم جدا جدا مهم!

- الـSAQs ما ينذاكر له، مذاكرتكم للـMCQs هي بتكون أساسكم، علشان كذا احرصو انكم تذاكرون بفهم وولا تسحبون على معلومة وتقولون ميب جاية أو بربط أول حرفين مع أول حرفين، وش بتسوون اذا جاكم بالساك؟ تكتبون لهم أول حرفين؟!!
و بعد ماتخلصون من مراجعة الاوسبي راجعو الأشياء اللي تحسونها مهمة وممكن تجي، مثل الأعراض الجانبية للأدوية بالفارما واسماء الـmicroorganisms بالمايكرو، و ترا ممكن جدا تراجعون البلوك كله وماتراجعون محاضرة وتجي هالمحاضرة، فنفس الكلام اللي دايم نقوله لكم لو كنتو فاهمين بتقدرون تجاوبون على هالمحاضرة، ونصيحة دائما حطوها بعين الاعتبار لا تضيعون حق الاوسبي "عصفور باليد خير من عشرة على الشجرة :)".

- المواد المهمة:
اناتومي - فزيولوجي - مايكروبايولوجي - فارماكولوجي - بايوكمستري.

ايش PBL؟
الـPBL عبارة عن حلقات نقاش صغيرة،بحيث تكون عندكم حالة مرضية معينة وتتناقشون بخصوصها، كل case بتكون عبارة عن جلستين.
الجلسة الأولى:
الهدف من الجلسة إنكم تصلون للتشخيص، بيعطونكم ورق فيه سيناريو ( شخص عمره كذا عايش بالمكان الفلاني حس بالم برجله ...الخ) تطلعون منه المشاكل اللي يعاني منها الشخص وتمسكون كل مشكلة وتكتبون الأسباب الممكنة لكل مشكلة، بعدين بيعطونكم التاريخ المرضي وبعض التحاليل اللي سووها للمريض، وهالأشياء بتساعدكم بإستبعاد بعض الاسباب اللي كتبتوها وشوي شوي بتتقلص القائمة لحد ما توصلون للتشخيص الصحيح .

الجلسة الثانية:

بنهاية الجلسة الأولى بتعطيكم الدكتوره learning issues تبحثون عنها وتعرفون عنها كل شي، الطريقة تختلف من دكتوره للاخرى، فيه دكتورات يعطون كل طالبة learning issue وحده وتسوي عنها برزنتيشين وتقدمه، وفيه دكتورات يخلونه discussion ويطالبون كل طالبة بكل اللرننق ايشوز ومايطالبونهم ببرزنتيشنز بس لازم القروب يتناقش فيهم ومايسكت أبد، شخصيا جربت الأثنين والطريقة الثانية كانت أفضل بالنسبة لي وكنت صدق أستفيد وكان قروبي مره أكتف، كنا نرسم على البورد ونشغل مقاطع فيديو وصدق نتبادل المعلومات ونصحح لبعض والدكتوره كانت تشاركنا بعد من تجربتها.

بشكل عام الـPBL شي جدا ممتع ويحسسكم انكم دكاتره حقيقين ويبعدكم شوي عن جو المحاضرات التقليدي :)

ايش الكتب اللي ممكن نحتاجها ؟

بهذا الجزء بنتكلم لكم عن الكتب المشهورة بين الطلاب أو اللي استخدمناها شخصيًا ( مو بالضرورة المراجع الرسمية) "سيتم تحديثها"

الفزيولوجي:

1- المرجع الرسمي هو Guyton 12th Edition

كتاب رائع ومفصل، مشكلته طويل جدًا وكبير.. ممكن ترجعين له لو نقطة مافهمتيها حتى بعد البحث بيوتيوب

متى استخدمناه: أول 3 محاضرات في بلوك الرينال

لقطات من الكتاب

2- كتاب Linda S. Costanzo

كتاب مختصر ويعطي مايحتاجه طالب الطب، يمدحون الرسومات فيه

متى استخدمناه: شخصيًا ما ذاكرت منه

كتاب ليندا PDF

باثولوجي:

1- المرجع الرسمي Robbins

الكثير كان مصدر مذاكرتهم منه ويعتبرونه أساسي، لو حابة تفهمين بشكل مفصل مع أني أعتقد الفديوات وبحث الإنترنت يغني عنه

متى استخدمناه: مرة في بلوك الجهاز التنفسي

كتاب روبنز PDF

لقطات من الكتاب:

2- باثوما

كتاب جدًا رائع يختصر لك 3-4 صفحات من روبنز في 4 سطور، يعطيك الأساسيات اللي لازم تتذكرينها لكل مرض بعدما تخلصين المحاضرة ويرتب لك أفكارك، فيه مع الكتاب مقاطع فديو يشرح فيها الدكتور على عرض باوربوينت تتراوح مابين5-35 دقيقة رائعة جدًا وأنصح أنكم تشوفونها قبل المحاضرة أو كتحضير للمحاضرة الجاية، أعتبر أنه كنز سنة أولى طب.

من وين تجيبونه؟ ممكن نسخة إلكترونية، أو تشترونه من أمازون، هنا عندنا غالي تقريبًا 700 ريال ناهيك عن أن الجودة ممكن ماتكون زينة.

متى استخدمناه: كل البلوكات

كتاب وفديوهات باثوما PDF

لقطات من الكتاب: